Денес нашето училиште „Гошо Викентиев“ симболично го одбележа патрониот празник.
По повод 105 години од раѓањето и 81 година од смртта на Викентиев, в. д. градоначалникот на Општина Кочани Венко Крстевски и претседателот на советот на Општина Кочани Лазо Митев заедно со општинска, училишна и делегација од семејството Викентиеви положија свежо цвеќе пред бистата на училишниот двор.
На патрониот празник, беа прогласени најуспешните ученици. Ученик на генерацијата 2021 – 2025 е Драган Хаџи Василев, кој воедно е и најуспешниот во електротехничката струка. Од машинската струка, за ученик на генерацијата е прогласен Илија Охoмуш, а од сообраќајната струка – Мартина Митева.
Најуспешните ученици добија парични награди и од Фондацијата „Викентиев“.
По средбата со раководните служби во СОУ „Гошо Викентиев“, в. д. градоначалникот Венко Крстевски најави иницирање постапка за воведување општински стипендии за учениците што ќе се запишат во машинската струка во ова училиште. Иницијативата произлегува од намалениот интерес за изучување на насоките од секторот машинство, наспроти зголемените потреби од ваков кадар на пазарот на трудот.
